Oetloaten
Hai zit doar veur deure
en kiekt of ik hom wel heurde.
Schait op bist toch nait scheel,
nog even en ik leg die t op deel.
Mit n zucht kom ik in t ènne,
t is ook aaltied n ellènne.
Net as t nais begunt,
wordt mie dat deur hom nait gund.
t Is boeten ja hartstikke kold,
gemainte-auto streut net zolt.
Mit mutse daip over mien oren
volg ik in snij zien sporen.
Doar zit hai mit de rugge krom.
Opschaiten, denk ik, kin we weerom.
Bie elk boomke blift e even stoan.
Even roeken om dìn weer wieder te goan.
Ik zit op baanke om te ontdeuen,
hai ligt alweer op een bonke te kleuven.
Mit dit weer noar boeten is ja gezond
En hai is t wel weerd, mien hond!
