Ie kinnen der mit lezen en schrieven
Lopst noast mie
Aan de fietse,
Op t Wilgepad, tussen
Maais- en eerappelveld –
Op weg noar de horizon
Holtern en boltern wie
Over bevroren sporen
Van olle karrevrachten,
En dien lagende snoet
Verdrift aal mien
Donkerste gedachten.
Op dit stee willen wie geern wat informoatsie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatsie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatsie te sturen, zodat noast t schriefwaark ook de persoon van de schriever in onze gedachten wieder leeft.
