Neem zulf ook wat tied

Kinst elk en aine wel wat gunnen. Dat is mooi en oprecht
Een aander wat helpen, dat vuilt gewoon als recht
Staaist veur elk en aine kloar als t even nait goat
En gefst zunder dat ze die vroagen zoals dat betoamt

Mor wees nait te goud, want den lopen ze over die hin
En veurdast t waitst, zitst der zulf tussenin
Doe staaist kloar veur elk en ain en bist altied paroat
Mor wel dut der wat veur als die hetzulfde vergoat?

Dus denk doarom ook mor ains aan die aigen tied
Want te veul geven moakt het haart ook nait altied blied
Doe huifst nait altied de staarkste te wezen
Ook doe most op tied rust nemen, ook doe magst genezen

Gun elk zien geluk, zien vrijhaid, zien tied
Mor vergeet bie dat alles ook diezulf nait
Want goud wezen veur een aander is zeker wat weerd
Mor goud veur diezulf wezen is zeker ook nait verkeerd

Dus stoa nait altied veur elk en aine op wacht
Mor gun die zulf rust wenneer het leven dat vragt
Wel zulf leert te nemen, noast alles wast het geven
Dei ontdekt den dat geven pas weerde krigt in t leven