n Dreum van vree

Men ropt en reert en raagt aalmor
en men zit mekoar aan t lief.
t Woord vrijhaid dat betaikent gain lor.
Of denk ik te naïef?
Is n minsenleven nog wel in tel
en hou vaaileg is t op stroat?
Der binnen laanden doar leven ze in n hel.
Klaaine kinder worden soldoat.


k Heb laank leufd in t gezond verstaand.
Schutst ja mit geweld niks op.
Mor hou laank holdt t vertraauwen nog staand?
k Zai de wereld op zien kop!


n Kwoajong speult in zien hut van takken.
In zien haanden doar ligt n geweer.
Den mout hai eten en licht zien hakken.
Hai verget zien speulgoud weer.
Snachts dreum ik wel ais in mien bèr
over wat ik vrouger dee.
De woeste wereld leek zo vèr.
In mien buurt was t enkeld vree.


k Heb laank leufd in t gezond verstaand.
Schutst ja mit geweld niks op.
Mor hou laank holdt t vertraauwen nog staand?
k Zai de wereld op zien kop!


meziek: Alex Staal
zang: Alex Vissering
cd: Om antwoord verlegen (1997)

Meer van t zulfde:

0 0 stemmen
Schier?
Berichtje bie n nije reactie?
Stuur mie n e-mail bie
0 Reacties
Achtergrond info:

Op 30 oktober 2026 is Henk Puister overleden. De Hogezaandster was n veulziedeg schriever. Gedichten, laidteksten, verhoalen: overal wos Henk wel road mit. Zo schreef hai laidteksten veur Alex Vissering, Wia Buze en Krzysztof Groen.
 
Henk won de K. ter Laan-pries 2022/2023, vanwege zien betaikenis veur de Grunneger toal en cultuur.
 
Henk is 73 joar worden.

E-mail bie wat nijs?