Mien zeun bluis mie sikkom dood
My son almost blew me to death
zee Von Freeman over zien zeun
Chico in de joaren zeuventeg dou
hai mit zien quintet
neerdoald was
van South Side of Chicago
in Oosterstroade
op t podium van Vera.
Twij uur haar e wereld en ons derbie
om azze draaid. Young and Foolish
wazzen wie en hai ook.
Ain sekonde laank, dou zai locht
in schoten op leste moat in tied
dat tied oetschoakeld wur
wazzen wie gain luusteroars
mor levenslaank lös
van eerde en aigen lief.
