Menu
Swaarde liester komt oet n bloumpot kropen,
kikt om zok tou, hipt tegels op en pikt, píkt.
Zien Kerstmoal bestaait oet zoad mit appel
in verrötte stoat as bievoer. Muskes keudeln
hom aalweg veur poten. Hai geft der nait om,
kifket wat mit n evenbeeld dij nait nuigd is,
zet hom mit n saggerijnege kop noa over t
schuurtje. Blaauwmaiske bungelt aan n bale,
roodborstje op grond dut zok te goud aan
wat der ofvaalt. In koamer vernuver ik mie
mit vogeldrokte. Kiek, vot binnen ze, vlog
in melkzoeger of klimroze. Veurzichteg
komt d’eerste weer, volgen der meer, nait
veur de poes of aandermans Kerstgerecht.
![](https://dideldom.nu/wp-content/uploads/2023/06/afbeelding-81.png)