Ie kinnen der mit lezen en schrieven
Toun vlaigtugen overvlogen
hail vroug in mörn
Wadden joe in t gruinlaand
koien melken
Oorlog was begund
En joen pa was in draf
noar hoes tou lopen
Mor ie binnen bleven
gain haalf waark
zoks kinnen baisten
ja nich lieden
Lutje verzet
Hef joe t zwait
nich in handen stoan?
Mien moudige mamme.
4 maai 2007
Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde
“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”
Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)
