Ie kinnen der mit lezen en schrieven
Dij dag begunde as ale doagen
perron van dansende oordopkes
lege ballonnen boven
inkelde swiegers in de cloud
boorndevol sikkom overlopende dinksels
kettens spannen zuk
n lözze vogel nuigt:
kiek mien aai
perron vaalt stil
oren goan open
nog wat onwenneg
vragt d’ain d’aander:
most heuren wat ik dink
t is mor even biegoan
en t is ain gekoakel
perron wordt aaierhandel
gebaauwen rieden vot
en klokken blieven stoan
der wui nog laank noaproot dij dag
Geboren in: Smilke, 1958
Schrift ook veur: Kreuze
Toal en Taiken
Schreef veur: Krödde
“k Heb t löcht zain en bin opgruid as boerenjong
in buurtschop Smilke (Smeerling) bie Onstwed-
de. Op mien17e bin k veur school en waark wie-
de wereld in trokken. Mor t Grunnegs blif mien
eerste toal. Geregeld verschienen gedichten en
verhoalen mit Westerwoldse inslag van mie o.m.
in Kreuze en Toal & Taiken. Mien gedichten bin-
nen ook opnomen in enkele verzoamelbundels.
Wieder waark ik mit aan festivals.”
Bundels:
De stille kaant (Triona Pers, 2010)
Dichter bie Psaalms (Vliedorp, 2010)
Wat mörn komt (Huis van de Groninger Cul-
tuur, 2011)
Oetzicht (2012)
