Laiwe en Hoas
(noar n foabel van Aesopus)
Laiwe was aan t hoasjoagen bie Bavvelt en zaag opins n hoas ien leger liggen te sloapen. Hai zol
hoas krekt griepen dou der n reekaalf veurbie runde. Laiwe vergat hoas en joug reeke op slag achternoa. Hoas wer wakker van t keboal, schrok en runde haard vot. Laiwe kwam der noa n zetje achter dat e ree, dij hoogholtje overvloog, toch nait te pakken kriegen kon en ging weerom noar plak doar hoas lag. Dij wol e toch nog mor even te groazen nemen, nou dat reekaalf hom ontkommen was. Dou hai zaag dat hoas ien tied votrund was, zee hai tegen homzulf dat t zien aigen schuld was. Hai haar lopen loaten doar hai al wis van was om kaans te hebben nog wat beters te kriegen.
![](https://dideldom.nu/wp-content/uploads/2023/09/afbeelding-95.png)
Beter ain vogel ien haand as tien ien locht.