Laifde is…
Laifde is t Woord
dat God geft aan Zien kiend,
laifde is t koord
dat mie mit Hom verbiendt,
laifde is de kracht
woardeur ik wieder kin,
laifde is de wacht
van engeln om mie hìn,
laifde is Zien oog
dat altied noar mie kiekt,
laifde is Zien boog
dij aan de hemel priekt,
laifde is Zien oor
dat elke zucht verstaait,
laifde is Zien spoor
dat noar de hemel gaait,
laifde is t gebod
dat Jezus aan ons gaf,
laifde is dat God
ons redde van t graf.