Achteroet
Weer dat gevuil
van bel dij
ik nait heur
van vrij
wezen zunner kleur
van achteroet
lopen ien wiend
nait meer licht kiend
k haauw rötwiend wild weerom:→
Geboren: 1953 ien Zoltkaamp
Woont in: Zoltkaamp
Schrift al: vanoaf mien elfde
Schrief zowel ient grunnegers as ient Hollands en ook heb ik wel ais wat ient Ingels, mien laivelingstoal, produceerd.
Ient grieze verleden heb ik wel ais wat publiceerd ien Krödde en ik heb drij boukjes schreven. Twij binnen oetgeven bie Profiel. Eerste hait ‘Ien t Licht’ en der stoan grunneger en Hollandse gedichten ien. Twijde bouk bie Profiel hait “Kunt U even bijlichten”en bevat Nederlandse columns. Daarde bouk is hailndaal ient Hollands, hait “Slechts met U” en stait ook vol mit gedichten. Dij drij boukjes goan over t geleuf en binnen schreven noa de onverwachte dood van mien pa en mien schoonmoeke, negen doagen achter elkoar, ien 1986. Hiervan ston ons weerld goud op zien kop en gingen wie n joar laank deur n dal van veul verdrait, moar t geleuf het ons deroet hoald. God Zulf troostte ons en sunt dij tied schrief ik over t geleuf, omreden ik elk gun wat ik kregen heb: Zien rust, vrede en bliedschop.
Zoas zoveul schrievers heb ik ook veur de klas stoan, zowel bie t gewoon onderwies as bie n asielzuikersschoul en bie n schoul veur Zeer Moeilijk Lerende Kiener, ien Fraislaand. Ook heb ik n zetje bie een streekblad, de Hogelandster, waarkt as journalist/redacteur.
Ik waark al sunds 2011 nait meer ien t onderwies, moar ik verveel mie nait: ik schrief veur n tekstbureau, heb n poar bouken vertoald, vanuit t Duuts en vanoet t Ingels, geef Nederlandse les aan n boetenlandse vraauw, schrief ien ons kerkblad en heb t doarnoast drok mit mien man, ons vaaier kiener, schoonkiener en zeuven klainkiener. Ik maag haile geern lezen, braaien en fietsen en ik proat geern mit minsen en hol van gezelleghaid.
Claim
Oet Amerikoa hebben wie weer wat nijs kregen: t claimen. Vienen wie en kinnen wie dat ook zain loaten, dat n aner ons benoadaild het din dainen wie →
Eerdoags
t Kómt,
ik vuil het soezen
van mien kop
tot aan mien vouten
t is nog nait
goud aan kook
moar k wait:
eerdoags
zel ik mien
aigen dook
votjoagen mouten
Eerdoags→
Laifde is…
Laifde is t Woord
dat God geft aan Zien kiend,
laifde is t koord
dat mie mit Hom verbiendt,
laifde is de kracht
woardeur ik wieder kin,
laifde is de wacht→
Onveurstelboar
“Waarstoe der nou al zat van, bist der ja nog mor net?”, zee er dou er noast heur kwam. “t Wuir mie doar binnen veuls te benaauwd→
Shoppen
Mien laive tied, wat binnen der heden ten doage n winkels, wat is der n goud te koop en wat binnen der veul minsen dij noar winkels tougoan. “Shoppen”→
Te daip
Dit is te daip veur troanen,
dit is boomloos verdrait
ik kiek ien graf en staarvensogen
en mout mien haart tot kloppen moanen
omreden ik zulf nait →
Veuroet
Weer haauwt er
snaauwt er
jagt er
plagt er
Zunner genoa
beukt er wraid
op mien schoppenhoes
brengt er schoa
aan mien roetenklaid
geft er n wilde draaier→
Zai daanst
Ale keren weer raauw ik
om mien mamme
aner mamme
deur n beruierte
lamme mamme
stille mamme
vremde mamme
Mis mien mamme
Ale keren weer
dut t zo zeer:→