Laifde in oorlogstied….
1944
Nou baide in de tachteg…
Dou baide nog kind
Wie vonden t aal prachteg
doar op OBS De Flint
In de Noatuurschoon
en bie t Laikstermeer
vonden wie ons plezaar
en dat soort dingen meer…
Mossen wel aait zulf
ons speultjes bedenken
en zo kwam ook vanzulf
t speultje van het ja-woord
schenken!
Klaas en Jantje
wassen bruidegom en bruid
t steltje haar t al n setje mit mekoar
dat gaf dus totoal gain muid’
kloar!!
Beukeneutjes zuiken
in t bos bie Nienoord..
veur n lekker moal!
(bakt in roombotter!)
Wieders gain program…
al haar t ons wel bekoord
De jank noar dat verleden
en de schiere sfeer
geft nou joarlieks n weerzain
en ie moss n ais waiten
hou laif dat vuilt
Al is t ook bieno 80 joar leden!!
