Kruuddoorntjebrij
![Kruuddoorns](https://web.archive.org/web/20220703121429im_/https://www.dideldom.com/img/resepten/kruuddoorns.jpg)
Wat mout der in:
n Pond kruuddoorns, n half kan melk, vatteg gram waaitmeel, n onze sukker.
Hou mout je t doun:
Kruuddoorns goud wassen en steeltjes der of.
Kook ze mit n beetje wotter tot smots,
din zeven en mit de sukker op smoak moaken en din ofkoulen loaten.
Vaaier moatjes melk aan de kook brengen,
t meel mit de rest van de melk aanmoaken en dat aal ruirende deur de haite melk mengen.
Dit onder of en tou ruiren, zachies tien menuten koken loaten.
Ofkoulen loaten, en din de kruuddoorns der deur.
Op smoak ofmoaken mit nog n beetje sukker.
Instuurd deur Joh. E.G. Ruiter oet Hoaren.