Kom gerust
Ale doagen deur hest doe t drok
mor muikst monumenten van menuten vrij
om te heuren noar mien verhoal
dien ogen schrokken van de klok
d’wiesders vlogen die om d’oren
dien bainen gingen die al noar huus veuruut
kom nog gerust n moal bie mie
wie hebben nkaander t ain en t aander te zeggen
k zel ale uurwaarken t zwiegen opleggen
t kin zo roar nait lopen of blifst mie aaltied bie
kom nog gerust n moal bie mie