Klaid

Bie supermaart binnen vlouerklaiden in rekloame. n Vraauw, mit n oprold klaid onder aarm, zegt tegen kassajuvver: ‘t Paast nait.’
‘Wat paast nait?’
‘t Klaid.’
‘Heb ie kassabon nog? Loat mor stoan, k dou der wel n braifke op.’
Volgende klant is aan beurt. Vraauw blift wachten.
Kassawichtje zegt weer: ‘k Dou der n braifke op.’
‘Hou laank binnen ie open?’
‘Aacht uur.’
‘Din hoalt zeun hom op. k Wol t klaid op fiets mitnemen, mor t paasde nait.’
Klaid wordt achteroet legd.
‘Zetst mien noam op t braifke? Kinst mie toch?’
Vraauw fietst noar hoes. Zunder vlouerklaid.

Meer van t zulfde:

Ploats hier joen reactie op dit stòkje; algemaine reacties kennen in t Gastenbouk

Het e-mailadres wordt niet gepubliceerd. Vereiste velden zijn gemarkeerd met *

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.

E-mail bie wat nijs?