JazzFietsTour
Rondom en tegen Hamster kerk
stoan fonkelnde fietsen,
aan weerskaanten van fietspad
picknicken toeristen,
deur open kerkroamen klinkt swingmeziek,
tot boeten op groaven zit t pebliek.
t Geluud van saxefoons
klinkt hier akoestisch op zien best
en ien de pauzes
lange riegen ien t gankje veur t toilet.
n Onweersbui komt over,
schoelen en weer deur,
van kerk noar terp noar boerenschuur,
de stemming zit er ien,
boegend zwaait Middag-Humsterlaand
heur zummergasten uut.