Ik heb n vroag
Woarom kinnen wie mensen op dizze eerde,
verschillend van opvattens en kleur,
mekander nait loaten in aigen weerde,
en nog amper soam deur ain deur?
Woarom toch aaltied dij stried en geweld,
woar n mensenleven nog amper tèlt.
Terwiel dat elkenain zegt in vree te willen leven!
Of kinnen wie nait meer echt om mekoar geven?
Woarom aal meer macht dij men vermocht.
En handeln as: ik wat meer as die!
Elk ken toch de betaikenis van ‘wie’?
Of heb ik n verkeerde vroag bedocht?
