Hoas en Schildpad
(noar n foabel van Aesopus)
Hoas laagde schildpad doaglieks oet, omreden dij haar zokse körte poten en laip zo langzoam.
Schildpad antwoordde laggend dat e hoas, aalhouwel dij radjes as wiend was, versloagen zol ien
haardloperij. Hoas ston hom haalf, omreden hai dochde dat zoks onmeugelk was.
Vos mós schaaidsrechter wezen en dij mós ook zeggen woar en hou wied baaident haardlopen
móssen tegen nkander.
Op dag dat t wezen mós, lait vos baaide kemphoanen van t ìnd goan. Hoas benterde der votdoadelk van deur. Schildpad begon langzoam, mor laip aingoal deur op ìndstreep tou. Hoas dij vertraauwde op zien snelhaid, dochde dat e t nait verlaizen kon en ging onderwegens nog even liggen om oet te rusten. Zuitjes aan ging e onder zaail. Dou e wakker wer, bozzelde hai as de mieter wieder, mor zaag al gaauw dat schildpad ìndstreep al oversteveld was en n sloapke deenoa zien gespaddel.
As ie langzoam mor aalgedureg deurgoan, beriek ie aaltied joen doul.
![](https://dideldom.nu/wp-content/uploads/2023/09/afbeelding-83.png)