Haihai!

· Schreiber, Fré

Hìn Sietske is wat kwiet, mor ze wait nait wat. Doarom gaait zai bie heur zuster Janke laans en vragt:
‘Hé, Janke, wilst doe mie helpen? Ik bin wat kwiet, mor ik wait nait meer wat, waist doe t ook?’ ‘Nee’, zegt zuster Janke, ‘mor ik wait aal, dat ik zulf ook wat kwiet bin. Ik bin de kluts kwiet.’ Haihai!
Nou gaait hìn Sietske bie heur zuster Freerkje laans en vragt: ‘Hé, Freerkje, wilst doe mie helpen? Ik bin wat kwiet, mor ik wait nait meer wat, waist doe t ook? Zuster Janke wait t ook nait, dij is zulf de kluts kwiet.’
‘Nee’, zegt zuster Freerkje, ‘mor ik wait aal, dat ik zulf ook wat kwiet bin. Ik bin de droad kwiet.’ Haihai!
Nou gaait hìn Sietske bie heur zuster Aanje laans en vragt: ‘Hé, Aanje, wilst doe mie helpen? Ik bin wat kwiet, mor ik wait nait meer wat, waist doe t ook? Zuster Janke wait t ook nait, dij is zulf de kluts kwiet en zuster Freerkje wait t ook nait, dij is zulf de droad kwiet.’
‘Nee’, zegt zuster Aanje, ‘mor ik wait aal, dat ik zulf ook wat kwiet bin. Ik bin t pad kwiet.’ Haihai!
Nou gaait hìn Sietske bie heur zuster Goaske laans en vragt: ‘Hé, Goaske, wilst doe mie helpen? Ik bin wat kwiet, mor ik wait nait meer wat, waist doe t ook? Zuster Janke wait t ook nait, dij is zulf de kluts kwiet en zuster Freerkje wait t ook nait, dij is zulf de droad kwiet en zuster Aanje wait t ook nait, dij is zulf t pad kwiet.’
‘Nee’, zegt zuster Goaske, ‘mor ik wait aal, dat ik zulf ook wat kwiet bin. Ik bin klepel kwiet.’ Haihai!
Nou gaait hìn Sietske bie heur zuster Hinke laans en vragt: ‘Hé, Hinke, wilst doe mie helpen? Ik bin wat kwiet, mor ik wait nait meer wat, waist doe t ook? Zuster Janke wait t ook nait, dij is zulf de kluts kwiet en zuster Freerkje wait t ook nait, dij is zulf de droad kwiet en zuster Aanje wait t ook nait, dij is zulf t pad kwiet en zuster Goaske wait t ook nait, dij is zulf klepel kwiet.’
‘Nee’, zegt zuster Hinke, ‘mor ik wait aal, dat ik zulf ook wat kwiet bin. Ik bin t stuur kwiet.’ Haihai!
Nou gaait hìn Sietske bie heur zuster Frouwke laans en vragt: ‘Hé, Frouwke, wilst doe mie helpen? Ik bin wat kwiet, mor ik wait nait meer wat, waist doe t ook? Zuster Janke wait t ook nait, dij is zulf de kluts kwiet en zuster Freerkje wait t ook nait, dij is zulf de droad kwiet en zuster Aanje wait t ook nait, dij is zulf t pad kwiet en zuster Goaske wait t ook nait, dij is zulf klepel kwiet en zuster Hinke wait t ook nait, dij is zulf t stuur kwiet.’
‘Nee’, zegt zuster Frouwke, ‘mor ik wait aal, dat ik zulf ook wat kwiet bin. Ik bin kop kwiet.’ Haihai!
Zeg dat wel, denkt hìn Sietske, wat ja n boudel: zuster Frouwke is kop kwiet, zuster Hinke is t stuur kwiet, zuster Goaske is klepel kwiet, zuster Aanje is t pad kwiet, zuster Freerkje is de droad kwiet en zuster Janke is de kluts kwiet. ‘En ik … ’, zegt hìn Sietske poestend en stìnnend, ‘ik, ik bin mien aai kwiet.’ Haihai!

Meer van t zulfde:

0 0 stemmen
Schier?
Berichtje bie n nije reactie?
Stuur mie n e-mail bie

0 Reacties
Inline feedbacks
Bekiek ale reacties
Achtergrond info:

Frederikus (Fré) Schreiber (Ureterp, 1946) woont in Middelsom en was köster. Hai schrift verhoaltjes, laidjes en mopkes in t Grunnegs.
Schreiber gaf les in de Grunneger toal. Ook muik hai kinderverskes dij beudels van de Wicher Zitsemaschool in Middelsom onder zien laaiden zongen.
  
In 1988 ontving Schreiber de K. ter Loanpries.
 
Publicoaties:
 
“Paasgebruiken in de provincie Groningen” (1990)
“Ommelandse raais, Strunen deur Grunnen” (2002)
“Groningse Volksgebruiken” (ISBN: 97890551360, 2005)
Över Zoltkamp noar Stad” (2007)
“Groninger Almanak” (2008) 
 
Mit andern in de mane:
 
“Schelden, schelden dut nait zeer” (1989)
“Groninger Wijsheden” (2000)
“Laifste vroag” (2008)
“Oetjeboe” (2009)
“Schietboukje” (2010)
“Grunneger Sunnerkloasbouk” (ISBN 978 90 70323 68 4, 2018)

CGTC logo woordwaark logo mienwesterkwartier logo liudgerstichtenlogo komopverhoal logo
CGTC logo woordwaark logo mienwesterkwartier logo liudgerstichtenlogo komopverhoal logo

E-mail bie wat nijs?