Haarfst
De boeren hebben t laand weer leeg
Ze plougen alvast veur aankomt joar
De zunne schient mor t is nait waarm
Schustain vegen den binnen wie kloar
De haarfst let van zug spreken
De kleuren van t blad, kiek mor ais rond
Regen en wind de tied van t joar
Podstoulen schaiten oet de grond
Mit n ander deur t bos hèn lopen
n Eekhoorntje dai vlug boom in kropt
Hai mokt zien veurroad veur de winter
n Specht dai op zien stamme klopt
Thoes kommen en den bie grode toavel
Ekkels kestainjes en stokjes op n kraant
Soamen mit kinder baistjes moaken
Mit n beker sokkeloa in de haand
Elk joargetie dai het zien aigen
Bie de haarfst heurt t gure weer
Gedienen stief dicht en lekker bie kaggel
Glaske wien ik vul hom nog mor n keer.