Grunneger kokosneut
Ons Grunnen wordt vergleken mit n kokosneut,
Der binnen dij zeggen: wat is dit nou veur teut.
Mor toch … dizze verglieken is nog nait zo roar,
Want baaide worden oetmolken, klip en kloar.
In Grunnen zeggen wie in richt- en slichte toal:
Boetenkaant is haard en verder zo vast as stoal.
En baaide dege degelkhaid bevat n rieke schat;
Allain beroakboar deur t aanbrengen van n gat.
n Feest as d’inhold zomor tot joe komt,
Woar de staarkste zok t beste lest.
En woar streden wordt om de lèste rest.
Mor ainmoal op … is bliedschop gauw verstomd.
De kokosneut, ook wel nuimd n klapper,
in Grunnen wordt dij eerdoags verwacht.
Noa open wordt inhold aalsmor slapper,
Omreden men noar zien riekdom smacht.
Mor verder gaait de verglieken hier maank.
n Nije neut gruit weer aan de kokospalm
In Grunnen holden wie ons vast aan n halm,
En worden òfscheept mit lege woorden as daank
