Ie kinnen der mit lezen en schrieven
Nait groots wezen.
Grootshaid is n onwizze ledder,
holt haanden stief in boksembuus.
Hai wist van hom òf
en geft gain roemte.
Mor laifde,
gaait op blode vouten
en legt heur vingertoppen licht op wiend.
Zai paailt daipte van aler zail
en let heur bloots lij zingen.
Nelleke van Vliet gruide op ien t westen van Nederland. Sunt dat zai ien 1977 ien Stad te wonen kwam ontdekte ze stoaregaan t aigene van Ommelanden en heur bewoners. Der gruide besef van de verbonnenhaid van toal en landschop. Zai volgde n cursus Grunnegers om vertraauwd te roaken mit dij toal en schrift nou ien t Hogelandsters over wat heur rakt in Ommelanden, onner heur rondraaizen weg.
