Grafspreuken
hier ligt t rechterbain van Jan Koater
de rest komt nog, eefkes loater
Jannes dee ales ain veur ain
dommee komt ook zien linkerbain
hier lig ik, allain en verloaten
gain mìns om mit te proaten
ik vroag joe, blief nog even
kom k veur n ogenblik tot leven
tou, schait op en hoal mie der oet
ik lig hier onder n zwoare kloet
k bin hels en mout noar Grait
zai ligt te rommeln mit ol Pait
kiek, joe lezen hier wat ter staait
mor heb om mie nou gain verdrait
ik heb gain reden om te kloagen
ik wuir tachteg joar en viefteg doagen
hier ligt mulder Schat
het n klap van meulenwiek had
kon m nait ontwieken
kin der nou aingoal noar kieken
