Geleufstraain
De traain van Gods genoa trekt hail wereld deur.
Loat joe deur gainaine hindern, kais allain t goie spoor.
Stap mor in aal Zien kinder, stap mor vreeëg in,
dizze raaize kost joe niks en zekers noar joen zin.
Hai ridt deur aal laanden; aan ploatsen gain gebrek.
huiven nait veur te dringen, der is veur elkenain plek.
Under Zien laaiden kin je op wizze goan,
huiven nait laank wachten, of te blieven stoan.
Overaal vinnen joe wel n opstapploats,
aan laand, of zölfs n stokje boetengoats.
Dizze stap zelst wizze nait goan beraauwen,
op Zien woord kinst ja aaltied baauwen.
Blief volhardend in joen ains nomen besloet,
aans wordt t bléren en is t sprookje zomor oet.
Hòl mekoar aalgedureg mor stief bie d haand,
op joen aanboden raaize noar t ‘Beloofde Laand.’
En is t oetzicht nog zo mooi en verlaaidelk,
blief zitten woarst zitst en goa veur dien gelok.
Aan t ende hest belonen laarp dik verdaind,
geleuf as n kind en gedroag joe as Zien vrund.
Loat die deur gainain aanbod overhoalen,
den doe moust doarvoor din zölf reken betoalen.
Talrieke verlaaidens liggen overaal op loer,
geef nooit der aan tou en dou veuraal nait stoer.
Oetendelke belonen bie aankomst, is noavenaant,
zet joen zörgen en vroagen mor even aan kaant.
n Ploats veur joe is al risselveerd in t ‘Voaderhoes’.
Joe vuilen joe doar, mit aal oetverkorenen, gaauw thoes.
Maggen doar daansen en zingen veur Gods Troon,
mit daank aan bemiddeln van Zien ainegste Zoon.
Hai het noa Zien staarven, veur joe dizze raais beraid,
-as daank veur joen traauw-, n ploatse in ‘Zien Aiveghaid!’.
