Ezel, Hoan en Laiw
(Noar n foabel van Aesopus)
Dou ezel en hoan n moal mit heur baaident over t haim laipen, kwam der n laiw aan dij slim gammel was.
Hai zol net ezel griepen, dou hoan haardoet begon te kraaien.
Der wordt zegd dat laiwen n dikke hekel hebben aan hoanegekraai en der min tegen kinnen.
Laiw ging der inderdoad vot vandeur dou e t gegilp van hoan heurde.
Ezel, dij zaag dat laiw bloots al benaauwd was veur wat hoanegekraai, kreeg dou zo veul keroazie dat e laiw alderdeegs aanvalen duurde en zette hom noa.
Hai was nog nait wied kommen dou laiw hom omkeerde en ezel te groazen nam. Laiw scheurde ezel aan stukken en vrat hom op.
![](https://dideldom.nu/wp-content/uploads/2023/10/afbeelding-65.png)
Vaals vertraauwen is voak t begun van dikke aksies.