EHBO
t Is weer zover, dinsdagoavend,
hai mot noar EHBO
t Waarkt veur hom nog nait versloavend,
hai viendt t mor zozo.
t Is dat er mot vanwege zien waark
aans was er der noeit met begonnen.
Ze goan ain te lief met twij man staark.
Man, man, hou hemmen ze t verzonnen.
Hai hoopt nait dat er uutkozen wordt
om veur te doun hou t mot
en kiekt de zoal uut ooghouken deur,
o kon er mor weer vot.
Der binnen n poar fanatiekelingen
dij knappen t wel even op.
Nou goud de kop der bie,
je hollen hom beet bie kop.
Dat t zo mos dat wis er wel,
den haar der t wel goud leerd.
Fluitend komt er weer ien huus,
t was toch nait zo verkeerd.
