Dreum

Dij k nait gaauw zal vergeten
ze was zò dichtbie en echt
k ken heur wel opvreten
wat aingelieks al genog zegt,

Nèt dreuge achter oren
ging k den ook al op pad
noar dij aine op zuik
en dij k vond noar joaren
t wicht, dij alles had
en d’r wat moois van muik,

Den, zomor op n dag
bin k weer noar heur op zuik
en dat k heur noeit zal vinden
wil d’r bie mie nog nait in
zo net, dou k heur nog zag
en heur nog even aanruik
mor net as mit alle winden
waaide ze zo weer hin,
Den dou k even weer wegzinken
al wordt t bie leutjen licht
mit veren bèrre haalf op grond
is t kold en verkleum
k heb bèrre noar mie tou reten
‘mout d’r nait aan dinken
wieder te leven zunder t wicht’
goapt d’r den oet mien mond
n dreum
dij k nait gaauw zal vergeten.