Ie kinnen der mit lezen en schrieven
(veur Jannie)
Mit schepemmer
Haauw ik mie
Deur dampege dook
n Gat ien e dag.
Schep veur schep
Vul ik de voaten
Veur t dörstege vij –
Ik bedenk mie
Da k ienwendeg
Tenminnen net zo
Verdörst bin
As mien vij
Overdag ien
Brannende zun,
Zai snakken
Noar wotter
Zo as ik noar Gerechtegheid.
Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.
