Kaarzeboom in blui

· Weggemans, Bert

Ik kin die mor nait uut mien kop zetten
k Wil aan wat aans denken mor
t Lukt mie nait – elk beeld dat ik
Oproup wordt in n handumdraai

Al weer aan de kaande schoven
Deur n prachteg ploatje van die
In dien bloumpiesjurk – t is niks aans
As de woarheid, mien woarheid.

k Bin in mien laifde veur die mit miezulf verlegen,
Mien heufd en mien haart worden trovven
Deur n fikse dunderbui,

In t verlangen noar die leg ik mien haand op
De stam van dizze kaarzeboom, ik zeg hum dien noam
En dan schot e zo opains in blui.

• Facebook
• X
• LinkedIn
• Email
• Print

Gedichten

Meer van t zulfde:

• t Wichtje dat troanen spoarde

• Bloumpaarken van beton

• Ik denk dat et e liefde was

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.