Delfsieltje

· Detmers, Ab

In Delfsiel bin k geboren mien waig het hier stoan
middenmaank zeelu en eerliek bootwaarkersvolk.
Joa ik vuil mie hier riek mit de diek en t sliek
smis grode boten langszied de kooimuur.

Ik heb hier ja speuld ik haar hier mien waark
mien vraauw en kinder dij vuilen zok hier staark.
Wie laggen en schraaien wie waarken en vlaigen
dag in en dag oet mor wat geft dat.

Mensen om mie tou dij vuilen zok verwend
mit t ploatske aan ol Eems t hait ja Delfsiel
doar is t goud oamen maank schepen en kroanen
elk zel der verkloaren k heb gelok had.

Joa Delfsieltje is gain Stad
mor gebeurt van alles wat
mit dat steeke aan de zee
bin k slim tevree.

• Facebook
• X
• LinkedIn
• Email
• Print

Gedichten

Meer van t zulfde:

• Wie, de al wat oldere minsken

• Moetje Noatuur

• Verhoezen

Achtergrond info:

Woont in: Delfziel
Schrift al: joaren

Joa, op t heden is schildern weer n luk bietje in bie mie, mor der is n tied west dat ik as ain van d eersten van de Grunneger Schrievers nogal drok bezeg was mit schrieven verhoalen vertellen en dichten.
Toal en Taiken hebben toun hail wat van mie opnomen. Kunstgang Kaampe in Steem bin’k ook nog bie d oprichten west.
Zoas eerder zegt, k heb t nou drok mit schildern en tentoonstellens. Kiek mor even op mien Web-log, din krieg je n beeld van mien doun en loaten. Der stoan ook wat verhoaltjes op in t Grunnings. Dij toal mout der inblieven en smis tot groot verdrait van elk en ain proat ik (lel ik?) lekker deur. t Gait aal zo makkelk.