Delfsail 2009
![Delfsail 2009](https://web.archive.org/web/20220628191203im_/https://www.dideldom.com/nane-van-der-molen/img/delfsail-2009.jpg)
Raanke schepen mit hoge masten
Laange boegsprieten wied veuroet
Deronder hangt n schier wicht
Tröts staait noam op boug van t schip
Snelle klippers, stoere baarken,
tjalken, koggen en zulfs n old galjoen
Wat n riekdom zoveul vrumde zaailschepen
bie nander te zain ien hoaven van Delfziel
Ministers, stoatsroaden, deputeerden
Elkenain komt noar Delfsail om ze te zain
Zond vertier veur honnerddoezenden
ien sferen van zuudleke waarme zeeën
Alewel k zulf gain zeeman bin
hol k dervan dij ranke schepen te zain voaren
Stoa k urenlaank der noar te kieken op diek
en voar k ien gedachten op zailschepen mit
Keek der noar oet dat zai weer kwammen
Noa zes laange joaren van wachten,
bin k nou doagenlaang mien aigen zeeheld weer
en dreum k weg ien dèlte van mien gedachten
22-08-09