De wereld

Mien degeleke ik zunder beleven,
vastroest in doageleks gebroek.
Makke kooien in heur waaidelaand.
Rechte wegen, te voak bereden.
t Wordt tied de sleur te deurbreken.

Mui van de gewone omgeven.
Te veul bekinds in wat ik roek.
Leven in de reservestaand.
Over mie zulf te voak uutgleden.
k Heb dit loage laandje wel bekeken.

t Wordt tied de wereld te beleven.
Mie op onbekinde poaden te begeven.
Van aal mien plichten worden ontheven.
k Goa joe n dikke knuffel geven.
De vrijhaid is mie om t lief tou schreven.