Diekhoes, Evert

Geboren: 12 april 1938
Woont in: Westerwolde
Schrift al: sunds juli 1997

Evert is begonnen mit zien plaazerij (zo nuimt hai t zulf) op verzuik van n redacteur van n ofdailens-kraantje bie Philips op Knoal.
Doar haaren ze nait genogt nijs om t krantje te vullen.
De eerste dattien van dizze stukjes hebben in t ofdailenskraantje stoan.

Bakker

Ain bakker oet Luukswolle
Dij ken mor min tegen de kolle
Veur d oven het hai gain last
Mor bie t venten zain ie hom vast
Mit n pedde op, t is al n hail olle.

Beer

Der was ains n beer op Taange
Dij was veur motten doodsbaange
Zien waark dee hai nait
Tot boer zien verdrait
Zien ‘dinges’ hangt nou in de gaange.

Beune

“Evert”, zee Gezinoa, “wie mouten beune opschieren, t is net of de drommel der jongen had het”.
“Dat vaalt wel tou”, zee ik, “aal wat doar ligt het weerde”.
“Mor wie doun der niks mit”, zee zai, “waist→

Bladvulling

“Evert”, zee redacteur tegen mie, “wie kriegen ons bladje nait vol”. “Zolst doe even n stukje schrieven willen”.
“Woar mout dat den over goan”, zee ik.
“Most zulf waiten”, zee redacteur, “200→

Boer

Der was ais n boer in Schaarmer
Dij kreeg t hier aal aarmer
Hai ging noar Canada emigreren
En Engelse toal leren
Noa n poar joar was hai doar faarmer.

Computer

“Evert”, zegt Gezinoa, “wilst ook nog n moal op berre of hou zit dat”.
“Joa mens ik kom der al aan”, zeg ik, “nog even dit stukje ofmoaken, den dou ik boudel oet”.
Luu wat ik nou heb, je zellen t nait leuven, mor op mien zestigste→

Haarst

“Evert, koffie is inschonken”, zegt Gezinoa.
Ik schrik op oet mien gedachten.
Boeten is ‘t al haarstachtig, en ik zit wat veur ‘t glas te kieken. Kadde van de buren speult mit ‘n Kastanjeblad, en zien leven. Ferdinand, ons hond, holt hom→

Hamster

“Evert”, zee Gezinoa, “hest doe al keken of der post is?”
Dat haar ik nog nait, doarom zee ik: “Dammeet loop ik wel even hen”.
Bie ons stait gruine postbak veuraan bie de weg, net zo as bie aale hoezen dij nait vot aan t stroade stoan. →

Handeloar

Op de Zandbaarge woont n handeloar
Dij handeld, op zok zulf nait roar
Mor aal wat hai verkocht
Dat haar je nait docht
“Mout aaltied geld bie”, zegt hai, “eerlieks woar”.

Hoaze

Ain Kloosterholtjer hoaze
Dij haar last van kolle koaze
Hai zee tegen eend Waggel
Ik kroep bie de kaggel
Anders trekt t mie nog op de bloaze.

Keuken

“Evert”, zee Gezinoa, “keuken mot wit worden”.
“Keuken is wit”, zee ik.
“Wit west”, von zai, “hai is zo geel as saffroan”.
“Geel is ook mooi”, von ik, zai nait.
Dat bedud, dat d’r schilderd→

Kloas

“Evert”, zee Gezinoa, “mien bruier Kloas mot aan de vraauw”.
“Het hai t doar mit die over had”, wol ik waiten.
“Nee”, zee zai, “mor hai is zo 42 dus ‘t wot nou toch wel ains tied”. “Zel ik dij →

Knarrie

“Evert”, zee Gezinoa, “denkst doe dat ‘n knarrie ook proaten ken”.
“Knarries floiten”, zee ik. “Mor Ebelien van hiernoast zee dat zai ook wel proaten leren konnen”, zee Gezinoa.
“Pappagaien proaten→

Knien

In Weende woonde n knien
Dij wol schaaiden van zien Trien
Mor zai wol dat nait
En tot heur verdrait
Stak hai zien kop in n rudermesien.

Krikhoantje

Ain klain krikhoantje oet Zanneweer
Dij was zo hoaneg, aaldoage weer
Mor mit t klimmen van de joaren
Kwam hai tot bedoaren
Nou huift t veur hom nait zo meer.

Laimeneerstiekje

Ain laimeneerstiekje in Middelsom
las limericks op Dideldom
zulf ston hai der nait bie
hai zee ‘dat begroot mie’
nou gaait dizze limerick over hom.

Lezen

“Evert”, zee redacteur tegen mie, “d’r binnen luu dei kennen dien schrieverij nait lezen”.
“Drenten zeker”, zee ik.
“Binnen d’r ook bie, mor wie hebben luu oet ale windstreken, zulfs ‘n Vrais”,→

Lolboksem

Ain lolboksem in Oetwier
Dat was n allernoaste klier
Want zo as dat voak gait
Ain zien lol is anders verdrait
Mor zo’n lolboksem dut dat gain zier.

Moeskes

Ain moudermoes oet Lutje Hoeskes
Het n hail nust vol jonge moeskes
Zai hemmeld heur goud
Wat zai ook wel mout
Anders kriegen ze moezeloeskes.

Moezen

“Evert”, zee Gezinoa, “wie hebben last van moezen”.
“Doe meschien, ik nait, ik heb naargens last van”, zee ik.
“Ook goud, den heb ik last van moezen, zai vreten aan d tussendeure van t schuure”, zee zai.
“Dat →

Nij grasmesien

“Evert”, zee Gezinoa, “zel ik ook n stukje maaien?”
“Goud, mor kiek oet dast gain stainen roaken dust”, zee ik.

Ons òl grasmesien was òf, schoon òf, der was gain oplappen meer aan, roaden vuilen derof van ellìnde.
Ik mos mor n nije →

Noar Sodom

“Evert”, zee Gezinoa, “hest doe al keken of der nog genog wind in mien banden zit”.
“Nee”, zee ik, “dat dou k mörgenvroug wel even.”
“Woarom wachten tot mörgen, t ken nou toch ook wel?”, zee zai.

As ie net→

Noastdepotpisser

Ain noastdepotpisser van t Knoal
Ging mit zien buurvraauw aan de hoal
Mor dat ging goud mis
Want wat zai nog nait wis
Onder zien toupet was hai koal.

Poedel

Ain Koningspoedel in Spiek
Dij was de koning te riek
Al haar hai ook gain laand
Toch kon hai speulen in t zaand
t Haile aarf was ja zien koninkriek.

Poelepetoater

Ain poelepetoater op Trips
Dij zegt tegen zien kont van bips
Hai het t hoog in de kop
Was al loos net oet dop
Men zegt hai het gain hazzens mor chips.

Recreatiebiggen

“Evert”, zegt Gezinoa, as zai achter tot schure oet komt, “wat zitst doe doar dom te lagen achter t kraante?”
“Waist doe wat n ‘recreatiebigge’ is?” zeg ik.
“Even denken” zegt Gezinoa, “n bigge→

Sikkebok

“Evert”, zee Gezinoa, “doe stinkst n uur in de wind!”.
“Ik roek der niks van”, zee ik, “woar roek ik den noar?”
“Noar sikkebok”, zee zai, “dou dat baist toch vot, hai het zien waark ja doan”.→

Slikken

“Evert”, zegt Gezinoa, “hest doe aal dij sokkeloatjes opeten?”
“Doar zatten mor n poar meer in”, zeg ik.
“Waren nog mor n poar oet zelst beduilen”, zegt zai.
Vleden weke bin ik stopt mit roken, en nou heb ik aal mor deur→

Sloot

“Evert”, gilpt Gezinoa, “help mie toch.”
Zai kikt net boven slootswale oet. Brugje veur ons hoes woar zai al 32 joar overkommen is het zai mist, en is mit plof in sloot reden. Ik loop zo haard ik ken noar heur tou.
“Wat wolst nou den onder in →

Snuk

“Evert”, zegt Gezinoa, “hest al pebaaiert mit twinteg tellen oam inhollen?”.
“Joa”, zeg ik, “dat heb k al vief moal doan, huilp niks.”
“Den most n schep zuker pakken, licht kaans dat t helpt”, zegt zai.→

Stainmot

n Lutje stainmot in Stad
zat overdag in n duuster gat
snachts kwam e veur n dag
keek of der nog wat lag.
en of hai der wat aan had.

t Hangt in de gaange…

“Evert”, zee Gezinoa, “wat hangt hier in de gaange?”
“Klokke dij die te haard slagt”, zee ik.

Dij klokke het nog van mien òllu west, dou zai oet tied kwammen heb ik hom kregen.
Gezinoa von t aaltied al n lélk ding, boetendes sluig hai→

Tellerlikker

In Sodom hebben ze n tellerlikker
Dij gruit gain gram, wordt ook nait dikker
Mit zien hondje is t al net geliek
Vret gain hap, wordt toch gain liek
Zai binnen ja baide mokt deur n beeldenbikker.

Toal

“Evert”, zee Gezinoa, “ik heb dien leerzen bie achterdeur hen zet”.
“Wat mout ik doar den mit?”, vruig ik.
“Aantrekken, anders krigst nadde vouten”, zee zai.
“Ik dou mien stevels wel aan, as ik dammeet sloot→

Törreldoefkes

Twij törreldoefkes in Sloaperstil
Dij wonen in n hail mooie til
Zai hebben zelden verdrait
En dat huift ook ja nait
Elk ken mor törreln zo veul as e wil.

Vrouger

“Evert”, zee Gezinoa, “kenst doe mie wel even n stoede bie van Dam vothoalen”.
“Mout dat vandoage nog”, vruig ik.
“Joa, dat mout vandoage nog, is mor veur n poar plak meer”.
“Kenst plakken ook wel wat dunner snieden”,→

Zwoan

In Heubultjeburen woonde n zwoan
Dij was gek op levertroan
Zai dronk t mit smoak
En doarom veuls te voak
Noa n overdosis was t mit zwoan doan.

Zwoar

“Evert”, zee Gezinoa, “bin ik dik?”
“Dik nait, hoogstens wat kört noar dien gewicht weg”, zee ik. “Woarom wolst dat waiten”.
“Nou, in de Story ston dat joen lengte min honderd joen maximoale gewicht wezen mag,→

E-mail bie wat nijs?