Bol aan tuur
Ien scha van n poar lindebomen
sjaauwt n ol boerke mit n baist aan tuur.
Gain mens kin heur zain doar ien t land.
t Baist het n dikke nek en oogt onnuur.
Mantje bocht hom en pint tuur ien grond.
Baist hangt ien kont om op boas tou te runnen.
‘Goa toch vot doar bie dij bol!’
Denk ik, mor wat kin n kraai begunnen?
Mantje lopt meschain wat deur
ien stevels op hoek zit er doar.
Bol jompt allinneg zien kop veuroet
en nuzzelt hom zaacht deur t hoar.