Bie t veurploatje – Veur poal
wèl wait nog
wèl ik bin
en kin nog
mien verhoal?
wèl nuimt mie
bie de noam
en sprekt der nog
mien toal?
vergees mor
wachtend op t schip
dat nait meer komt,
stoa k hier allent
nog mor veur poal.
gain proam
dij ik nog
draaien kin,
loat stoan de tied.
![](https://dideldom.nu/wp-content/uploads/2023/08/afbeelding-150.png)
Rolpoale bie t Oldehoofse knoal
Vrouger wuien schepen voak trokken deur n peerd en soms ook deur de schipper zulf. Ze luipen den over t joagpad langs t wotter.
Dat was gain makkelk waark. As t schip deur n bochte trokken worden mos, kwam e voak tegen de wale aan. Om dit te veurkommen wui gebruuk moakt van rolpoalen, ook wel joagpoalen nuimd. De joagliene luit men den over de rolle lopen. Gelaaiders mozzen der veur zörgen, dat de liene nait van de rolle luip. Zo bleef t schip midden in t knoal.
Rolpoalen worden al joaren nait meer bruukt. Toch binnen der in Grunnen nog veul bewoard bleven. Soms binnen ze restaureerd en lieken weer as nij.
Monumentjes langs t wotter dij te voak onopgemaarkt veurbie lopen worden!
![](https://dideldom.nu/wp-content/uploads/2023/08/afbeelding-151.png)
Ploatsen woar je ze nog zain kinnen vinden je op http://www.noordelijkscheepvaartmuseum.nl/nl/ collectie-en-onderzoek/onderzoek/ rolpalenproject/rolpalen-in-groningen