Berkellaand
Even oetbloastied en
op raais noar t zuden
bleven wie wat hangen
ien ol Achterhouk
Reurlse Pompedoagen
en Beltrumse boerenfeesten
veul was der van doun doar
ien leste week van julimoand
Wie fietsten der hail wat
òf, genoten volop van
laand mit stille dörpkes
en soms n lutje vestingstad
Stoken der ook nog wel wat op
zuks as ien hoeske van Spillemans
Trokken wieder mor besloten
weerom te kommen noar Berkellaand