Beppe

· Tillema, Aukje

nog nooit
zo geern
mien lief oetrekt
mien bainen strekt
as in bèrstee
van mien beppe

nog nooit
zo veul
mit laifde moakt
gain kwoadens roakt
de ogen
van mien beppe

nog nooit
zo mooi
de letters zain
op ronde stain
noam van
mien laifste beppe

ooit zal
in tied
bie volle moan
mie noam doar stoan
liek as dij
van mien beppe

• Facebook
• X
• LinkedIn
• Email
• Print

Gedichten

Meer van t zulfde:

• Schut

• Bandje

• Dat is laifde

Achtergrond info:

Op dit stee willen wie geern wat informoatie over de schriever geven. Veur de lezer is dat vanzulf interessant. Wenneer geboren, woar komt hai of zai vot? Al meer schreven? En nog wat meer achtergrond. Schaande genog hebben wie dij informoatie nog nait (compleet). Doarom n oproup aan de schriever ons wat op te sturen.
 
Wie hebben veul waark van al wat joaren leden op de webstee stoan. t Kin vanzulf ook wezen dat de schriever al oet tied komen is. Doarom n oproup aan de noabestoanden om dizze informoatie te sturen, zodat noast t schriefwaark ook de persoon van de schriever in onze gedachten wieder leeft.