Astoe ainzoam bist

· Detmers, Ab

Astoe ainzoam bist
Goa noar boeten kiek even op stroat
Astoe ainzoam bist
Goa der oet t is noeit te loat.

Der is wel ais n dag dastoe ainzoam bist
Allain op de wereld mit kop vol onkruud
Goa noar boeten proat mit elk dijst kinst
Kwak over dien ellìnde smiet t der mor uut.

Elk krigt wel ains n tied dat t nait meer wil
Gelokkeg hestoe dat nait allain
Blief din nait zitten in n houkje zo stil
Proat ains mit nkander loat die mor zain.

Snak wat mit kinder zai lustern aibels groag
Noar dien verhoalen over vrougere tied
Der komt din al gaauw gebrukelke vroag
Hebben ie dat beleefd … Joa wees din mor blied.

• Facebook
• X
• LinkedIn
• Email
• Print

Gedichten

Meer van t zulfde:

• Vraize Deurlopers

• Delfsieltje

• n Aalgedureg weerkerend overdenken

Achtergrond info:

Woont in: Delfziel
Schrift al: joaren

Joa, op t heden is schildern weer n luk bietje in bie mie, mor der is n tied west dat ik as ain van d eersten van de Grunneger Schrievers nogal drok bezeg was mit schrieven verhoalen vertellen en dichten.
Toal en Taiken hebben toun hail wat van mie opnomen. Kunstgang Kaampe in Steem bin’k ook nog bie d oprichten west.
Zoas eerder zegt, k heb t nou drok mit schildern en tentoonstellens. Kiek mor even op mien Web-log, din krieg je n beeld van mien doun en loaten. Der stoan ook wat verhoaltjes op in t Grunnings. Dij toal mout der inblieven en smis tot groot verdrait van elk en ain proat ik (lel ik?) lekker deur. t Gait aal zo makkelk.