As steerns din eefkes stil stoan goan

· Vries de– Maarhuis, Anna Geertruida

din wait k wat k wil
om ais aan denk te goan
din vaalt hail wereld stil

veul tegensteut ja deur ons leven
mor nait n stroekje blommen
om aan die vot te geven
wis din bie die geern kommen

mien toal dat is ja krekt n steern
glidt zo mor oet mien mond
wie zingen en proaten t geern
wie binnen din ain verbond

din bluit n steern zo hoog aan lucht
dat stroal deur wolken gliedt
dij stroalt mit waarme zucht
zien kiek maank wereld sliert

as steerns din eefkes knippern goan
noar schiere Grunneger laand
flikkernd aan hemel stoan
din wor k glad verbraand

rood wit blaauw mit n gruine streep
dat is mien Grunneger kleur
dij zok in haart vaast greep
dat gaait mien leven deur

èlks steern dij twinkelt hoi hoi hoi
hier boven mien Grunneger laand
din is t allènt mor moi
joa, moi moi moi moi moi

• Facebook
• X
• LinkedIn
• Email
• Print

Gedichten

Meer van t zulfde:

• Spinraag

• t Is ja wat … 2017-2018

• Mien older

Achtergrond info:

Geboren in: Laskwerd, 4 augustes 1939
Woont in: Middelsom
Schrift veur: Dideldom
Kreuze
Toal en Taiken

“In mien jonge joaren heb k in verplegen waarkt,
ol Diaconessenhoes in Stad (wat n tied heb k do-
ar had). k Bin Grunneger schriefster vanóf begun
tachteger joaren. Verhoalen en gedichten woar k
vief bouken van oetgeven heb. k Schreef in 1989
mien eerste boukje ‘Maggels’. Mien leste bouk tot
zowied ‘Maank schaar en schimmern’ verscheen
in 2014. Körts leden binnen der vief gedichten
van mie op meziek zet. In twij kerken werden dij
zongen deur Grunneger Koamerkoor, mit gedich-
ten derbie dij k veurdroagen heb. Doar bin k slim
groots op. k Dou voak mit aan schriefwedstrieden
poëzie en proza. Ook schrief ik in t Nederlaands,
dou mit aan wedstrieden verhoalen en gedichten
woar mainsttied n thema aan vaast zit. Zo heb k
ook mitdoan mit ‘Lentis’ mit aner lu, dij ook nomi-
neerd wazzen, woar dou drijdoezend bouken van
drukt binnen. Van twij bouken n nominoatsie had
en dat is ook slim schier. k Mag geern veurlezen
op schoulen of verainens en k vin t schier waark
om toallessen veur legere en middelboare schoul
te moaken, en opstèllen vanzulf. In ons zörgcen-
trum waark ik mit n koor, mit Grunneger wieskes
en vèrskes.”

Bouken:
Maggels (Profiel, 1985)
Laifkeblommen (Kunstgaang Kaampke, 2003)
Vleden lezen ien tied van nou (Sikkema,
2011)
Margriet, n wicht oet Grunnen (Sikkema,
2013)
Maank schaar en schimmern (2014)