Ie kinnen der mit lezen en schrieven
Achter in toen, op t blaikveld,
woont al n moand Kees Knien.
Gain last van roofgeweld
zain w’hom doar tot n uur of tien.
k Bin wies mit Kees Knien,
hai heurt der haildaal bie.
Het nog schrik van t maaimesien,
mor stoareg aan minder van mie.
As Kees der n dag nait is
zeggen wie: woar is ons knien?
t Is direct al n gemis
en wat ongerust boetendien.
Even loater het Kees zok weer meld,
mor is de Natuurgids ons de boas.
Achter in toen, op t blaikveld,
woont al n moand Haarm Hoas.
Geboren: groot zaikenhoes Stad in 1953, opgruid in Blijham
Woont in: Dale (Wildervanksterdallen)
Schrift al: vanoaf 1990 of doaromtrent.
Veur de LOK (Lokale Omroep Kanaalstreek) joarenlaank stokjes veur de radio. Eerst actueel mit: “Hebben ie t ook lezen?” onder schoelnoam Johannes Sems en dou n poar joar stòkjes over “Zwoantje mien laive vraauw”. Doarmit ook op de Lokoale Omroup Veendam, Radio Westerwolde en op RTV Noord west. De Stichten t Grunneger Bouk hèt in 2011 n luusterbouk as begunstegersgeschenk oetgeven mit n selectie van dizze radioproatjes: “n Hail joar mit Zwoantje”. Dizze plazerijen bennen op Dideldom ploatst en bennen op youtube te heuren. Mensen dij nait meer zo goud lezen kinnen, kinnen doar veul pelzaaier aan hebben. Doarnoast bennen der ook n keur van aandere Zwoantje stòkjes ploatst. Ook wat recentere biedroagen bennen opnomen.
Wieder aandere dingen schreven en veur de radio prezentaaierd, zoas “Derk en Hillie”, soamen mit Riek Meijering en teksten van n koppeltje aander schrievers.
Nou bezeg mit Dideldom.nu, dizze webstee!
Eerste pries (verhoalen) Schriefwedstried Knoal 1993 mit: Sjoerd en de Keunenk.
Daarde pries (gedichten) Schriefwedstried Westerwolde 2024 mit: Zo bemind.
Eerste pries (gedichten) Pervinzioale Schriefwedstried 2025 mit: Swaalfke.
Eerste pries (gedichten) Schriefwedstried Westerwolde 2026 mit: Laandjepik.
Twijde pries (verhoalen) Schriefwedstried Westerwolde 2026 mit: Beste bruier.
