Aan raais in Westerwòl

· Haarlemmer, Geke

wereld is luddek
dook over eerappellaand
wachten is op zun

schilder kleurt zien laand
wolken drieven op t douk
vogel strikt dele

gehaaim maank bomen
giezelbaargverdrait van dou
vredeg bos van nou

snoavels wied open
aaibers jaauwstern op t nust
moeke stilt honger

dörpke van vrouger
loakenvelders laangs wotter
wereld zunder tied

oldske lopt in bos
gedachten aan jong gelok
zun schient op n troan

wotter moakt bochten
spektoakelstuk van netuur
stoande ovoatsie

stoetje mit stilte
ieme daanst op boukwaitblui
zörgen waaien vot

verskes daansen rond
maank börg en bluiende es
gedichies op stand

op t rad noar huus
bloumen en gelok op stuur
kop weer leeg en roem

1 Opmaarken

  1. Klaas van Zonneveld schreef:
    01/03/2024 om 9:46 noamiddag

     n Hail mooi gedicht!
    MOI!

    Reageer hierop

Ploats hier joen reactie op dit stòkje; algemaine reacties kennen in t Gastenbouk

Het e-mailadres wordt niet gepubliceerd. Vereiste velden zijn gemarkeerd met *

Achtergrond info:

Geboren in 1962 in Veendam. Moi lu, dit is eerste moal dat ik wat noar Dideldom opstuur. Ik schrief as t mie t ‘aanvlogt’, mor dat al wel zo’n dik datteg joar. Laifst in t Grunnegs mor ook wel wat in t Nederlaands en k heb n poar in t Engels schreven omreden ik dij veur mien vrunden in Engelaand schreven heb hail wat joaren leden. Leste tied schief ik groag weer haiku(s). Vin t n uutdoagen om in drij lutje regels wat uut te drokken (onderwiel aal op vingers lettergrepen tellend!..). veur Schriefwedstried; n haikuraaize deur Westerwòl.
Veureg joar heb ik mitdoan aan Grunneger Schriefwedstried van Westerwòl. Biegoande biedroage was mien inzenden; n haikuraaize deur Westerwòl.

E-mail bie wat nijs?