Moeke wos ‘t beter
Moeke zat geducht te zwaiten,
Hou ze met heur geld an mos,
Omdat zai van bank noch giro
En blokkeren ja niks wos.
Dou ‘n schoonzeun ook heur centen
Naor de bank tou brengen wol,
Begon ‘t ol mens te agewairen……..
Zai wos zulf wel wat ze zol.
Kwaod raip zai: “Ik hol mien centen.
Wegdoun, nee, dat dou ‘k nooit!
Eerlieks bin ik der aankomen
En ik heb der goud veur knooid……”
Schoonzeun grep in ‘t lest de kraande.
En las haardop ‘t ol dou veur,
Dat men aal zien geld mos storten,
Ook de centen ja van heur.
Moeke har altied respect veur
Wat gedrokt in kraande stond.
Ging verslaogen naor ‘t kamnet tou.
Rommelde daor wat in rond.
Nao ‘n zetje kwam ze stènend
Mit heur centen in ‘n zak,
Traonen kreeg ze in heur ogen,
Dou zai schoonzeun puut tou stak……
