Wieze woorden van Moeke
Moek haar gain hoge oplaiden had
Mor heur wieshaid zat daip in heur hart
Ze leerde ons lessen, dudelijke zinnen
Dei loater in t leven van grote weerde binnen
Wees eerlijk en oprecht zee ze keer op keer
Want zunder vertrouwen hest waineg meer
Zeg wast mainst en breng het nait gekleurd
Want den bist aine die bie de aanderen heurt
Wees vrundelijk, ook als het leven soms zwoar is
Een vrundelijk woord dat voak wonderlijk kloar is
Een glimlach kost niks, mor kin veul betaikenen
En kin soms verdrait en zörgen breken
Moeke haar gain diploma’s aan de wand
Mor ze begreep het leven mit gezond verstand
Heur wieze woorden vergeet ik nait
Want Moekes wiesheden vergoan nait
Als ik trôgge denk aan heur woorden van dou
Den wait ik: dei lessen doun der nog altied tou
Eerlijk en oprecht en vrundelijk boetendes
Ik vergeet nooit de wieze woorden van Moekes les
