Barbekjoe
Woarom moaken wereldlaiders toch altied weer oorlog, dag noa dag
Ze roupen haard, ze draigen mor, alsof dat aal mor zo mag
Ze hebben tenks en vlaigtugen en raketten veur de stried
Als ze noe ains gewoon gingen zitten, mor nee, t is weer zo wied
Zet ze bie mekoar op t plein mit worst en spek op t vuur
De aine draait de hamburgers en de aander schenkt een glaske puur
Gain bommen, mor rook van t vuur en gain raketten meer deur de lucht
Zet ze aalmoel aan de barbekjoe, dat geft toch veul meer zucht
De aine zegt: “dou mie nog mor n worst en de aander ropt om saus”
En veurdat ze t in de goaten hebben is der vrede bie elk in hoes
Want oorlog kost allain mor geld en brengt veul laid en smart
Echt woar, bie een goie barbekjoe verbroedert elk hart
Dus wereldlaiders, hol ain op mit oorlog, hoat en stried
Pak laiver soamen de taange in de haand zodat de menshaid noit meer liedt
Want als ze soamen bie t vuur stoan mit een worstje op hun bord
Den is de kans een stôk groter dat de wereld beter wordt
Dus leg de woapens mor opzied en zet de barbekjoe aan
Want mit wat vrede, bier en worst kommen jullie veul wieder man
Moakt nait aal oorlog, gain hoat en niet en gain machtsvertoon
Mor soamen aan de barbekjoe, dat is pas schoon
