Olderdomssporen!

as de joaren nou ainmoal begunnen te tellen
is t aan t lief al gauw te zain
zo komen onder ogen de dikke wellen
en stoan we minder goud, op de bain

alles begunt den bie leutjen te hangen
t mainste rek is d’r den mainstal oet
ook komen de vetrollen in t zicht
en op de ains zulks gladde wangen
verschienen kroezels op t hoed
dei men bie t older worden, in loop krigt

evenzo as bie andere steden op t lief
dut hoed bie leutjen ook verschrompeln
t hoar wordt gries- of wie worden koal
en binnen we voaker even stram en stief
zo doun we onder t lopen n moal hompeln
ast bist mit ‘k wait nait wat’ gaaist aan de hoal

troanen doun voaker onze ogen
van bliedschop of den wel van t denken
aan de joaren, dei veurbie bennen vlogen
en n troan deist den even weg most pinken

ook olderdomsvlekken, nait te vergeten
dei verschienen ook bie leutjen zo noa joaren
en wordt ons lichoam zo besmeten
mit de zichtboare olderdomssporen!