Woar binnen wie ien beland

Wie kieken noar t nijs,
t ain is nog aarger den t aander,
wie kieken noar mekoar,
woar binnen wie ien beland,
wat is der loos
dat ales zo uut haand lopt,
woar is t misgoan en
wat hangt ons nog boven kop?


Wie zappen noa t nijs,
zain overaal ellende,
wie zuiken klassieke zender op,
wat is ales veraanderd,
de Grunnegers binnen weer de klos,
och, konnen wie moar weer terug
noar tieden van kroantjespot.

Meer van t zulfde:

0 0 stemmen
Schier?
Berichtje bie n nije reactie?
Stuur mie n e-mail bie
0 Reacties
Achtergrond info:

Coby Poelman-Duisterwinkel, geboren in Grunnen ien 1955, woont met heur man ien Aduard.
Ze schrieft gedichten, verhoalen en columns, het 12 bouken uutgeven woarvan 2 kienderbouken.
Heur leste bouk, een kienderbouk is ien 2019 uutgeven deur Kok/boekencentrum.
Ze droagt veur uut aaigen waark veur verschaaiden verenegingen, is vaste columnist bie Welkom in Zuidhorn vanof 2011.
Ze mag groag schrieven over wat heur roakt ien t leven, ze schrieft bie foto’s, bie bouken die ze leest veur de literaire kring.
Ze waarkte meer dan 10 joar met aan biebelse dagbouken, uutgeven deur Jongbloed en enkele van heur gedichten bennen op muziek zet deur componisten.
Ien de Erasmusuniversiteit ien Rotterdam is n deel van heur gedicht ‘Diploma-uitreiking’ deur NEON-kunstenoar Toni Burgering (de kunstenoar die ook de bekende dichtregel van Lucebert ien Rotterdam ien NEON moakt het) ien een Neon kunstwaark verwaarkt en dat beslacht een groot dail van de wand van Sanders Law library woar rechtenstudenten studeren. Dat dail van heur gedicht is ook ien 200 minikunstwaarken graveerd die de rechtenstudenten uutriekt kriegen as ze de bul hoalen.
Bie de opening van Sanders Law library het Coby heur gedicht doar veurdroagen. Doar kreeg ze zelf ook t mini kunstwaark overhandegd.

E-mail bie wat nijs?