De Grunneger Sproak
k Was nog ien t veurjoar van mien leven
toen ik de vroag om speulers zag,
votdoalek heb ik doar op schreven,
dit was nou net wat mie wel lag.
t Fluwelen douk ging veur mie open,
ik keek de zoal ien, wat n publiek,
dampende kroanpotten op de toavels,
mien rol glom van de romantiek.
Drai moal ien week, drai weken laang
veur uutverkochte zoalen,
veur t eerst ien Schouwburg op de plaank,
je konnen doar wel verdwoalen.
Noa oafloop smink van kop oaf fleren,
op Vismaarkt eten bie Koos op kroak*,
k von deur de toal dai moe ons leerde
de lokroup van “Grunneger Sproak”.
*Restaurant Koos Kerstholt
-Voorgedragen op de Leekster gedichtendag
-Opgenomen in de bundel “Vier je eigen taal” van Uitgeverij Frysk en Frij
-Gepubliceerd in het tijdschrift van de Groninger cultuur “Toal en Taiken”
-Het wordt nog gepubliceerd in het tijdschrift dat uitgegeven wordt in het kader van 100 jaar A-theater.
Op de foto in het gele jurkje
