Ik docht

Ik docht dat ik t leven dwingen kon
Mor t leven gaait zien aigen gaang
Ik docht dat ik t leven dwingen kon
Moar k maark dat t nait zo is
Dat moakt mie soms baang

Ik docht dat ik t leven dwingen kon
t Is nait zo, n beetje richten geven
n Beetje sturen, mien aigen plek
Zuiken en bepoalen da’s alles wat k kin

Ik docht dat ik t leven sturen kon
Moar t leven stuurt mie mit aal wat ter is
Ik docht dat ik t leven sturen kon
In klaaine dingen alles zain en beleven
Is aal wat ter is

Mien aigen leven beleven
Van memint tot memint
Bewust zain, vuilen, deurleven
Is alles wat ter is
t Moakt mie open veur wat leven is

Van memint tot memint, alles deurleven
Leven hier en nou

Ik kin mien leven nait sturen
Mor in volhaid deurleven
Aal wat leven is,
Dat moakt mie zeker en wis