Zulver licht
De zun gaait stil te ruste
In t zulveren bèr van licht
De vogels zeuken n nuske
In t lover waarm en dicht
Ain laange witte sluier
Rekt zuk oet over laand
Bedekt d’ geurege bloumen
Doar aan de wotter kaant
t Wordt zo stil en vredeg
De dag is weer veurbie
De moan staait as n herder
Dij schoapkes hoeden wil
d’ Wolken drieven verder
Laankzoam en zo stil
Tot dat d’ waarme mögenzun
Elk wakker kuzzen wil.