Zuiken
zuik gain woorden
dij joe haildaal niksen
zuik gain taikens
mit pien en omdenken
zuik nait wat joe
nait willen, nait vaasthollen
zuik blad nait dij votwaait
joe zain t nait weer
zuik noar dij minsk
dij noast joe leeft
zuik bie zetten
bliedschop, laifde, troanen
zuik waarmte, veul waarmte
goa doarnoar op zuik
zuiken is n nuigen
om te leven, toulangen
zuiken om op te muiten
goa dat doun, blief zuiken